Agus an nuacht scéimlitheach go bhfuil an méid coinní práinne leis an Seirbhís Comhairleoireachta Mac Léinn tar éis méadú de réir 150 faoin gcéad á chloisteáil acu, beidh na páirtithe leasmhaire i gcur ar fáil cúraim sláinte do mhic léinn ag cur is ag cúiteamh cad is féidir a dhéanamh. Bhí méadú leanúnach bliaintúil le feiceáil i méid gnáthchoinní ó 2010, le laghdú ó 1,899 go 1,879 idir 2014 agus 2015. Áfach, nochtann an spíce éilimh comhairleoireachta práinne riachtanas míshásta i ndaonra na mac léinn.
Is ceist chasta a chuireann an méadú éilimh sin agus is freagra ilghnéitheach atá uirthi. Ach, trí shúile na hollscoile, is foinse mhór buartha ata ann. Deirtear i dtuairisc bliantúil 2013 na Seirbhíse Comhairleoireachta Mac Léinn go “sáraíonn riachtanais reatha na mac léinn na hachmhainní atá ann faoi láthair,” dúshlán nach chuathas i ngleic leis go fóill. Agus éileamh ag ardú níos mó, rachaidh na fadhbanna atá ann faoi láthair níos measa fós.
Aithníonn an tSeirbhís Comhairleoireachta mian an Choláiste rochtain agus domhandú a chur i bhfeabhas, ach tugann sí rabhadh go mbacfaidh faillí i dtreo bunfhadhbanna forbartha – mar ghanntanas foirne lánaimseartha do thionscadail tábhachtacha, atreoruithe níos mó, agus íslú leibhéil foirne – na haidhmeanna sin. Áitíonn daoine áirithe nár freagracht na hollscoile ualach cúraim sláinte intinne – agus cúram sláinte fisiciúil ach an oiread. Áfach, nuair atá cuid mhór de dhaonra na hollscoile – go háirithe mic léinn ó thíortha iasachta – ag fulaingt de bharr fadhbanna sláinte intinne is gá don fhoireann tacaíochta cinntiú go bhfuil mac léinn in ann cabhrú leanúnach, inrochtana taobh amuigh den ollscoil, nó é seo a chur ar fáil iad féin.
Bhí an agóid i gcoinne na gciorruithe €12 milliún do sheirbhísí sláinte intinne in Éirinn thar a bheith éifeachtach: d’aisghairm an rialtas na ciorruithe agus chinntigh siad go mbeidh €35 milliún curtha ar thaobh amháin do sheirbhísí sláinte intinne agus a bhforbairt amháin. Bhain Helen McEntee, an tAire Sláinte intinne agus Seandaoine de thátal as sin “go bhfuil níos mó le déanamh i gcónaí maidir leis na bunfhadbanna sin, ach is coiscéim tábhachtach sa treo ceart a tharla inniu.” Do sheirbhís comhairleoireachta Choláiste na Tríonóide atá faoi bhrú i láthair na huaire, is dócha go mbeidh tionchar uile-athraitheach ag idirghabháil airgeadais den saghas sin.
