Le cúpla eisceachtaí, tá struchtúr céime Choláiste na Tríonóide roinnte de réir línte soiléire. Cosúil leis an gcampas féin, leis na moil i mBloc na nEalaíon agus an Foirgneamh Hamilton, tá cúrsa ag an gcuid is mó de mhic léinn a churtha go slachtmhar faoina lipéid “Ealaíona” nó “STEM”, agus cúrsaí atá gnéithe acu ar an dá thaobh den deighilt sin fágtha i gcathair ghríobháin mearbhallach maotlathach.
Ní heisceacht í Coláiste na Tríonóide sa chomhthéacs sin, agus is iad na téarmaí seo a shainmhíníonn a bhfuil á foghlaim ag mic léinn in ollscoileanna ar fud an domhain. Ach tá sé ráite níos minice ná riamh gur gá bogadh ó STEM – a bhaineann le heolaíocht, teicneolaíocht, innealtóireacht agus matamaitic – go STEAM, ina bhfuil ábhair STEM feabhsaithe, mar a áitítear, ag na healaíona.
Ach tá sé cinnte ag Coláiste na Tríonóide anois blianta a thiomnú chun a churaclam fochéime a athchruthú, agus é á ghealladh ag an ollscoil go mbeidh comhcheangail nua ábhair agus modúil nua mar ghné de seo, agus iad ag cur i gcrích Tionscnamh Oideachais na Tríonóide. Tá féidearthacht fós ann go mbeidh Colaiste na Tríonóide caomhach, agus iad ag cur comhcheangail nua de ábhair ealaíona i bhfeidhm. Ach tá seans ann go mbeidh an ollscoile misniúil, agus go n-aithneoidh sé go bhfuil disciplíní mar fhealsúnacht agus matamaitic níos gaire dá chéile ná a cheapadh, rud a chuirfeadh í ar thús cadhnaíochta ní hamháin in Éirinn ach sa domhan iomlán, rud atá tabhachtach agus í ag iarraidh níos mó mic léinn idirnáisiúnta a mhealladh.
Tá na daoine a cheapann go bhfuil sé mar bhunchuspóir ardoideachais céimithe infhostaithe a dhéanamh ag cur ceisteanna faoi luach na n-ealaíona. Tá na dearcthaí sin ag druidim leis an saol acadúil, agus é ráite ag iar-Uachtarán ag Ollscoil na Banríona, Béal Feirste sa bhliain 2016 “nach bhfuil duine de 21 bhliain d’aois atá ina staraí den 6ú aois ag teastáil ón tsochaí.”
Is aithint a luacha atá in ábhair ealaíona a chomhtháthú i gcúrsaí STEM, agus is deacair a shéanadh go mbeadh buntáiste ag mac léinn STEM atá in ann struchtúir ár sochaí a cheistiú nó teanga eile a fhoghlaim.
I ngnéithe éagsúla, tá Coláiste na Tríonóide cheana féin ar thús cadhnaíochta sa chomhthéacs sin. Tá a Áiléar Eolaíochta, mar shampla, ag cruthú droichid thar an deighilt sin ónar bhunaíodh é sa bhliain 2007 agus a bhí áiléir eile ar fud an domhain, ó Londain go Melbourne, mar thoradh aige trí Áiléar Eolaíochta Idirnáisiúnta. Má tá cur chuige nuálach den saghas céanna ag an ollscoil – ag iarraidh athrú gan uathúlacht agus cáilíocht a gcéimeanna a laghdú, mar atá geallta aici mar ghné de Thionscnamh Oideachais na Tríonóide – tá seans ann go mbeidh éifeacht suntasach den saghas sin feicthe againn.
