Níl líon na gcéimithe ó Choláiste na Tríonóide ón bhliain 2015 atá fostaithe ach beagánín níos airde ná an meán naisiúnta. Is ábhar iontais é sin ar an dromchla. Bíonn fonn ar Choláiste na Tríonóide a chuid stádas ardchéimiúil sa tír a chur i gcuimhne dúinn go rialta agus tá cúis mhaith acu don chuid is mó. Dhá bhliain ó shín, B’é Coláiste na Tríonóide an t-aon ollscoil Éireannach a roghnaíodh mar chuid de rangú idirnáisiúnta fostaíochta, a bhfuil clú air ar fud na cruinne.
Ag amharc ar na staitisticí seo, nílimid in ann a bheith chinnte má fhaigheann céimithe ó Choláiste na Tríonóide thuarastail níos airde, nó poist sna héarnálacha níos measúla. Ach léiríonn siad dúinn nach bhfuil an lámh in uachtar ag chéimithe ó Choláiste na Tríonóide agus iad ag dul in iomaíocht le céimithe ó choláistí eile ó achan cearn den tír. Tá an ceathrú cuid de na céimithe ón bhliain 2015 fós dífhostaithe ag an bpointe seo. Ní raibh an-rath ag iarchéimithe ó Choláiste na Tríonóide i comparáid leis na hinstitiúdí eile chomh maith. De bharr an cháil atá ag an gColáiste, ba chóir go mbeadh deiseanna níos fearr i ndán dóibh. Cé atá freagrach as an gcruachás seo? Ní léir é sin dúinn go fóill.
An rud is cúis leis? Bhí méadú ar chiorruithe don tSeirbhís Gairmthreoracha le linn na blianta beaga anuas, seirbhís atá an-thábhachtach maidir le straitéis fostaíochta an choláiste. Nochtadh an bhliain seo caite sa The University Times nach raibh comhairleoir gairmthreoracha ag mic léinn a bhí eolaíocht ríomhaireachta agus innealtóireacht á dhéanamh acu. Anuraidh, dúirt siad nach mbeidh siad in ann seirbhís phríobháideach a chur ar fáil d’iarchéimithe de bharr “srianta buiséid”.
Tarraingíonn an méid sin míchlú ar an gColáiste maidir le comhairle ó thaobh na ngairmeacha bheatha de, gan amhras. Ach, ag an am chéanna, ní hé sin a rá nach bhfuil an Choláiste dáiríre agus díosgráiseach i leith ábhar na fostaíochta go forleathan.
Mar shampla, cuireann Tionscnamh Oideachais Choláiste na Tríonóide béim shuntasach ar na scileanna a thabharfaidh cabhair do na mic léinn lena gcuid deiseanna gairme sa todhchaí. Is rabhadh é seo áfach agus ní bheidh sé ró-dheacair do Choláiste na Tríonóide tuilleadh achmhainní a chur ar fáil don tSeirbhís Gairmthreoracha.
