I Mí an Mhárta 2016, scríobh an Bord Eagarthóireachta gur léir gurb iad na rangú ardoideachais an chloch is mó ar phaidrín Patrick Prendergast agus é ina Propast – ag rá gurb iad na rangaithe an rud a chuimhneofar i ré Prendergast.
Cuimhnítear ar togra na bpropast i lár a dtréimhse oifige, de ghnáth. Ag an am sin, sheol an Coláiste stráitéis rangaithe, le stráitéis cumarsáide, cur chuige nua do taighde agus foilseacháin, agus grúpa rangaithe ina raibh an Propast é féin mar chathaoirleach.
Nuair a thit an Tríonóid lasmuigh den 100 ollscoil is fearr i Rangú Domhanda QS an Meitheamh seo caite, scríobh an Bord Eagarthóireachta gur faillí a bhí sa stráitéis – bíodh is go raibh buairt cheart i gceist leis. Ní hamháin gur chuir sé brú ar an Tríonóid chun deileáil le rudaí neamhthábhachtacha, níor chuir sé stop le titim an choláiste don dhá rangú is tábhachtaí
Chun a cheart a thabhairt dó, tá an dreach ar an scéal gur aontaíonn an Propast. An tseachtain seo caite, dúirt sé go bhfuil an iomarca béime á leagan ag ollscoileanna eile ar rangú, seachas ar rúdaí tábhachtacha eile ar nós rannphartaíocht na gcumann agus clár inbhuanaithneachta
Rud nach bhfuil chomh hiontach sin ná a iarracht chun an stair a athscríobh, agus á oidhreacht féin a athrú. Nuair a rinne sé cur síos ar rangú mar “réaduchtach”, d’fhéadfaí a chreidiúint go raibh an tuairim seo aige le fada an lá – seachas mar fhreagra ar an teip a tháinig ar a chath i gcoinne rangaithe.
Tháinig seo ag deireadh “Seasamh an Choláiste” ó Prendergast, agus déanann gach ceannaire iarracht stair a chrúthú. Bíodh is go bhfuil dhá bliain anois ag an bPropast chun nádúr a shealbhaíocht oifige a athrú, is gá cur i gcuimhne dó nach mbíonn rogha agat maidir le do oidhreacht.
