Tá an Cumann Gaelach i gColáiste na Tríonóide ag déanamh ceiliúrtha ar Shamhain agus tugann siad cuireadh daoibh freastal ar an ócáid Dé Máirt, 13ú Samhain.
Is seanfhéile phagánach í Samhain, a tháinig chun cinn nuair a bhailigh na Ceiltigh le chéile chun aos-sí a dhíbirt. Chomh maith leis sin, is léiriú é Samhain go bhfuil deireadh tagtha leis an bhfómhar agus tús tagtha leis an nGeimhreadh. Bhuaigh Samhain duais don chomhócáid is fearr ó Lárchoiste na gCumann (CSC) an bhliain seo caite.
Chun tús a chur leis an lá tá Ceardlann Choróin Duilleoige á reachtáil ag an gCumann Gaelach agus TCD Botanical Society ó 1 go 2 i Seomra Eliz, i dTeach 6. Ná bí buartha muna bhfuil suim agat i gcoróin! I ndiaidh an Cheardlann Choróin Duilleoige tá Ceardlann Laindéar agus Ceardlann Masc ar siúl ó 3 go 5 i Trinity Arts Workshop ag 191 Sráid an Phiarsaigh.
Níl gá go mbeadh scileanna ealaíona iontacha ag teastáil uait chun bheith rannpháirteach san ócáid seo: beidh canadh binn le cloisteáil i Seomra na Gaeilge ó 3 go 5 agus seisiún Sean Nós ar siúl ag TradSoc.
Tógaigí bhur gcoróin, bhur laindéir agus bhur maisc libh go dtí Seomra na Gaeilge ag a 7 Beidh an seoma maisithe le laindéir éagsúla agus beidh atmaisfeár draíochtúil le braistint san aer. Seinnfear ceol, léifear filíocht agus canfar amhráin i Seomra na Gaeilge. Cuirfear fíon agus soláistí eile ar fáil i ndiaidh seo.
Ag deireadh an lae ar fad, tá ceolchoirm ar siúl sa Wiley Fox le TradSoc agus Manus Ó Maoileoin (DJ) ag tosnú ag 9. Bhí gach imeacht go dtí seo saor in aisce agus an tá costas 5 euro ar thicéad don Wiley Fox.
Imeacht cruthaitheach ráthúil a eagraíodh idir na cumainn anuraidh, agus is amhlaidh an scéal don Mháirt seo. Faigh amach duit féin agus tú leo ar thuras spioradálta, cultúrtha ealaíonta chuig an domhan neamhshaolta.
