Athsheoladh cúrsa nua Gaeilge ar líne ag Ollscoil Chathair Bhaile Átha Cliath (DCU) ar an Luan.
Beidh an cúrsa ar fáil ar an suíomh FutureLearn. Is é Gaeilge 101: Tús le Cultúr agus Teanga na Gaeilge an t-ainm atá ar an gcúrsa.
Díreoidh an cúrsa ar ionspráid an nádúir i dtógáil na teanga, maraon leis an gcultúr gaelach, gnéithe bunúsacha na Gaeilge agus na daoine a labhraíonn í.
Cé gur thosaigh an cúrsa ar an 16ú Meán Fómhair, is féidir fós clárú ar líne go dtí deireadh an chúrsa agus is féidir é a thógáil i dteannta cúrsaí FutureLearn eile.
Tá sé ar fáil saor in aisce d’éinne atá suim acu Gaeilge a fhoghlaim as an nua, agus dóibh siúd atá ag iarraidh a gcuid tuisceana a neartú ar shaibhreas staire agus oidhreachta na Gaeilge.
Cludaítear na hábhair bhunúsacha le hagaidh comhráite laethúla ó oidhreacht clainne go dtí cúrsaí spóirt.
Ní hamháin sin, ach beidh an deis ag foghlaimeoirí cuir lena gcuid eolais faoi ogham, miotaseolaíocht na hÉireann agus cúpla mallacht a fhoghlaim chomh maith.
Maireann an cúrsa ceithre sheachtain, agus ba chóir ceithre uair a chloig a chur ar leataobh gach seachtain don chúrsa.
Tá an cúrsa seo curtha le chéile ag léachtóirí DCU ar nós Ciarán MacMurchaidh agus Caitríona Nic Giolla Mhichíl. Is Ollamh le Gaeilge é Ciarán MacMurchaidh agus múineann Caitríona Nic Giolla Mhichíl Gaeilge agus an stair.
Is cuid den Stráitéis 20 bliain don Ghaeilge é an cúrsa seo. Tá sé urraithe ag an Roinn Cultúir Oidhreachta agus Gaeltachta i gcomhpháirt leis an gCrannchur Náisiúnta.
Seoladh an cúrse den chéad uair i Mí na Samhna anuraidh mar chuid den Ollscoil Oscailte sa Leabharlann Náisiúnta.
